網主的話


網主的話

每日係不同媒體如電視、電台、網頁和報章雜誌上都充斥大量股評人或分析員的股票推介和投資建議。一般來說股評人都好少會係專欄中作出詳細和完整的回顧﹝賺錢另計﹞。每天一推,一年推250隻股票,好難無推介過好似謄訊(700) 呢D大升的股。一年10隻大升總有既,咁其餘既240隻呢?

“財演,明燈, 打手” 股民好多時都會係論壇上對一D令佢地損手的股評人作出攻擊。

另一邊廂,又有一D股評人深得民心,股民攞number,定買賣,遇事必問,奉若神靈。更有一D因文筆流暢,股評生動有趣,博得眾多粉絲,但好多只懂事後孔明,吹噓戰績,議論時事,陳腔濫調,但鮮有明確推介股票。有一d更開班授徒。憑幾年來十萬抄到過千萬?重有d學生分享上堂後賺咗幾多個開?

我諗,股評人、分析師又唔係作家。佢地掂唔掂唔應該由主觀去評論,應該係可以由客觀數據去分析,有一張成績表睇到佢地嘅回報同排名。基金可以清楚睇到三五年回報,無論包裝得幾好,往積回報差既話,傻先會買但股評人、分析師就好難有系統咁睇到佢嘅往積回報。股民跟住買一兩隻賺左就會當股神。蝕左幾隻就會當係財演或明燈。

當然,由藉藉無名既我來編制股評人排行榜未免難有說服力。所以本網其中一個宗旨就是要有最大透明度,所有投資建議記錄包括每一個回報都有充分資料去證明,而會員也可參看。

長遠目標

雖然依家本網只追蹤36個網上股評專欄,但長遠目標係追蹤所有媒體上出現過既投資建議:
包括唔同既投資產品如股票、期貨、金屬、外匯、樓價、等等,
包括係唔同媒體如電視、雜誌、報紙、電台、網頁既建議。
即係你講過就有記錄,無得講下就算,玩泥沙。

依家只能對專欄作出排名,但股評人多數會係唔同報章出文章。目標係會將同一股評人係唔同專欄既股評歸納成一個個人專欄,作出排名。
亦有一D股評人俾建議但無目標價。依D比較難計回報:長揸好?升過但依家跌咗又點計?歡迎讀者俾意見點去合理計表現。

總之,最終既目標係用360度最全面既角度去衡量分析員、股評人、財經評論員既表現。淘弱留強,幫投資者係資訊充足既情況下搵到最可信既專家。